Unsere Geschichte

Mia san D’Oidstodt Teifen – a Verein, der aus echter Leidenschaft fürs Brauchtum entstanden is. Zwoa Freind, de scho seit Joahrn mit’m Krampus unterwegs san, ham g’sagt: „Des Herzblut für’n Brauch, des muass ma lebendig hoit’n!“ Und genau des tua ma.

Was als klane Idee durch a Gespräch am Handy g’startet hat, is inzwischen zu wos Größerm word’n – und des wird no größer!
Mittlerweile san mia scho 9 Mitglieder:

• 5 Krampus,
• 2 Hexen,
• 1 Kinder-Krampus und
• 1 Kinder-Engel.

Bei uns steht der Spaß und die Tradition im Vordergrund. Mia leb’n und lieb’n den Krampusbrauch – mit Respekt vor dem, wos seit Generationen weitergeben wird. Klar, a bissl Organisation braucht’s, aber mia bleib’n g’miatlich und bodenständig.

Unsre Idee: Freid am Brauch, z’samm Spaß hab’n und den Krampus so zeigen, wia er g’hört – finster, urig und echt.
Mia san aus da Stodt Salzburg und pack’n des mit Herz und Leidenschaft an. Wer bei uns dabei is, spürt den Unterschied: ehrlich, g’miatlich und mit an guad’n G’fühl für Tradition.